الفشل .. أول نجاحك ’ لا يروعك !
_
لا تسب الغيم وان عدى زروعك
........... دون ما يمطر شكر ويجلّ كرمك
لو عصرت الغيم !! ما شحت جذوعكـ
............ وأنت جالس تنتظر إنصاف وسمك
لا تقول : اللي بذرته قوت جوعك
.......... كان .. أدري كان من دمك ولحمك
و أدري انك كنت تفلح : في ضلوعك
............ وأدري .. وأدري ( ولكن كل زعمك
ما يرد اللي مضى ) احذر وقوعك
............ من على سفح الحزن لـ شعاب وهمك
ضاع موسم بس: من خالص خشوعك
.............. له .. أجر جهدك ويكفي ذاك حتمك !
بس كافي : انتهض و امسح دموعك
.............. انتهض واعرف ترى داخلك خصمك
لا تسنّ رماحك وتطرق دروعك
............. وانتصارك داخلك يكمن بهزمك !
أنت ما جيت الفشل إلا بْـ شروعك
............ بالفشل : والدمع هذا كل جرمك
لا تبرر .. كيف يقنعني رجوعك؟
............... قبل ما يلمع بجيد الليل نجمك !
وين عزمك .. السما ترفض طلوعك ؟
............. أسألك جاوب أبعرف وين عزمك ؟!
العذر مهما بلغ واقنع جموعك
............ كيف تقنع به طموحاتك وسلمك
كان حلمك ينتظرك تبوس كوعك
........... اكسره بيدك و بوسه لجل حلمك
ولا تساوم يوم أو تعلن خضوعك
............. للـ ليالي قبل ما تطلبك سلمك
ولو تهب رياحها وْ تطفي شموعك
............ أشعل شموعك ولو: بأطراف جسمك!
وأشتعل: للحلم / للاسم / لربوعك
.............. أشتعل كانك تبي تفرق بعلمك
الاسم اسمك ولو ما جا بطوعك
.............. تقدر بطوعك تخلد أنت : اسمك
لكن احفر اسمك بعلمك .. ونوعك
........... حدده بين البشر واختار حجمك
الفشل أول نجاحك لا يروعك
............. وأنت بيدك بس بنيانك وهدمك
للفشل آهات يعقبها سطوعك
............... في سما حلمك .. ولكن وين حلمك ؟!
_
آبْياتَ رائَعه ..لـِ الشُآعرِ" عبَدالله الَهذْال"
رِاقََ لِيَ ،، وِليمْنََه الكَثُير مْنَها
موضوع: الفشل أول نجاحك|لا يـــروعــك